لكْتَاب ن لخْدَايم ن رُّسُل

مَانش يقَّار لكْتَاب ن لخْدَايم ن رُّسُل إِي 5: 15-16، "15 مِدّن سُوْفُوْغن-د لْمَرْضَى نْسن ل سْقَاق، أَيّنْ-تَن س ؤُجَنَّا ن ئِعُوْبَان د ئِجَرْتَال أَمّن مِيك سَاس سْيِـين ئِفَات بُطْرُس، أَمّن أَدَاسن ئِنْقَر س ضّلّ نّس. 16 تَاسَنْ-د خِيرالله ن مِدّن سِي شْرَا د ئِغَرْمَان ئِقَرْبَن ل لْقُدْس. تَاوْيَنْ-د لْمَرْضَا نْسَن د ئِـيْنن دَݣ تْعَدَّابن ئِمَشِّيضَانن ؤُل يِـيشَن تَجّْيَن كَامْلِين."

عَاود يقّر إِي سُّوْرَا ن لخْدَايم ن رُّسُل إِي 13: 6-11، "6 ؤُيُوْرن ل ؤُك ؤُن لْجَزِيرَت تَجْبَر اَلْمِيك ؤُوْضن ل تَمْدِينْت ن پَـافُوْس. ؤُفن دِين ئِدْجن ن ؤُسحَّار نتَّا د اَئِإِسْرَائِيلِي ئِرُّو-ت إِمَان نّس د نَّبي قَّارن-اَس بَنْيَشُوْع. 7 ئِحْلق اَكد لْعَامل ونّ دَݣ قَّارن سَرْجْيُوْس پُـوْلُس. أَن لْعَامل نتَّا د يدْجن ن ورْݣَاز ئِقْفَز، ئِعَيّض س بَرْنَابَا د شَاوُل ئِخس اَدَاس سْلمْدن لَهْضَرْت ن ربِّـي. 8 وَلَكِن أَن ؤُسحَّار بَنْيَشُوْع ئِعَرْض-اَسن (ونّ دَݣ قَّارن س تْـيُوْنَانِيت أُلِيمَاس). نتَّا ئِخَس أَد ئِسْبعّد لْعَامل س لْإِيمَا۔ 9 ئِكَّر شَاوُل يعْنِي بُوْلُس ئِعَمّر س رُّوْح لْقُدُس ئِقّل ؤُكّ ؤُن ؤُسحَّار قْبَالَا؛ 10 ينَّا-يَاس: "شك د مَمِّيس ن بْلِيس. شك د لَعْدُو ن قَاع مَايك شْنَن، تَتْشُورد س تْحِيلِيت د تَحْرَيْمِيت! وَاش تَخْسَد اَتْ تْسْفَرْغد ئِبْرِيدن ئِلَّان نِيشَان ن سِيدِي ربِّـي؟ 11 سّْيَا ل زَّاتْ سِيدِي ربِّـي ئِلَّا ضدّْ نّش، سَاتْ تْحَلْقَد د أَضرْغَال ؤُ سَاتْ تْقَدّد أَتْ تَمَّاتْرَد تْفَاوْت ن تْفُوشْت يِـيش ن مُدَّا تَمقّْرَانْت. دِينْدِين تُوسْ-ت جْلَالَا ل وُن ؤُسحَّار س وَاطَّاون ئِتْمَاتر تَلَّاس، ئِقِّيم ئِتْدُور ئِخَس شْرَا ن يِدْجَن أَس ئِعَاون س وفُوْس."